5.3.06

 

Manifesto de la Dek Du

Antaŭ kelkaj tagoj, diversaj verkistoj kaj intelektuloj publikigis manifeston kontraŭ la religian totalismon, kaj specife kontraŭ islamismon. En aparta paĝo de la retejo vi povas legi la esperantan tradukon (kaj ligojn al alilingvaj).

Mi estus ŝatinta pli klarajn aludojn al aliaj fundamentismoj: en Hispanio ni havis antaŭ kelkaj tagoj bonan ekzemplon de la danĝeroj de aliaj fanatikuloj, per la enmeto de bombo en teatro de Madrido kie la itala komikisto Leo Bassi prezentis pecon kiun kelkaj katolikaj ŝtipkapuloj konsideris blasfema.

Sed ĉiukaze, estas bone ke la aŭtoroj atentigis pri la nuna danĝero, kaj samtempe rifuzis tiun trompan koncepton de kultura relativismo kiun ankaŭ mi lastatempe komentis.
Bookmark and Share
Komentoj: Publicar un comentario en la entrada / Mi tre dankas viajn komentojn
<< Reiri en la blogejon.