Esperanta blogo

Jam en aliaj okazoj mi pritraktis la aferon de la muziko en Esperanto en tiu ĉi paĝaro. Estas tre kurioze ke du tre oftaj vojoj kiuj kondukas neesperantistojn al tiuj ĉi paĝoj havas rilaton kun muziko. La unua estas serĉoj pri fotoj de Lordi, kiu, per maniero iom mistera, kondukas al blogero redaktitan antaŭ kelkaj monatoj pri la partopreno en tiu grupo, kiu venkis en Eŭrovido/Eurovision, fare de Awa, antaŭe membro de Dolchamar. La alia, certe surpriza por la vizitantoj, estas la traduko al Esperanto de la iam fama Aserejé, kaj iuj aliaj kantaĵoj. (Vidu krome la retvendejon de SATeH)

Nun mi deziras pritrakti du aliajn aspektojn. La unua estas la uzo de Esperanto fare de madrida bando kiu, tre verŝajne, havos pli kaj pli da sukceso en la hispana muzikscenejo. Mi parolas pri “Le Punk”. Pri ĝi vi povas legi pli akurate en la artikolo kiun verkis Floréal Martorell en “La Ondo de Esperanto” pri diversaj muzikgrupoj kiuj uzas Esperanton, ĉu en la kantoj ĉu en la nomoj, kvankam ili ne estas mem esperantistoj. En tiu ĉi kazo la kantisto Alfredo estis lerninta nian lingvon antaŭ iom da tempo, kaj mem verkis la tekston. Eĉ se la lingvonivelo ne estas perfekta, oni povas ĝin gustumi en la retejo de la grupo en MySpace: http://www.myspace.com/lepunkmadrid). La titolo estas “La lukto estas perdita”. Ili havas aliajn retpaĝojn en kiu oni povas aŭskulti pliajn kantojn kaj spekti videojn: http://www.le-punk.com kaj http://www.lepunk.es.

Spektu tie ĉi la intervjuon kiun oni faris al li en la Kataluna Inform-Servo Televida, KIS-TV (se vi aliras tiun ĉi blogon per ekstera servilo, kaj ne spektas la filmeton, iru rekte al jena adreso):

La alia estas la lastatempa iompostioma disvastiĝo de la muziko en Esperanto pere de la reto de MiaSpaco (tio estas, MySpace). Kaze ke vi ankoraŭ ne konas ilin, jen kelkaj adresoj:

• Vinilkosmo: http://www.myspace.com/vinilkosmo.
• Kaj Tiel Plu: http://www.myspace.com/kajtielplu.
• Dolchamar: http://www.myspace.com/dolchamar.

• DJ Kunar: http://www.myspace.com/djkunar
• Hotel Desperado : http://www.myspace.com/hoteldesperado
• Kore: http://www.myspace.com/kore49
• Martin & la Talpoj: http://www.myspace.com/martinwiese
• Piĉismo: http://www.myspace.com/pichismo
• Supernova: http://www.myspace.com/supernovaeo
• Stefano Keller: http://www.myspace.com/saluton
• Merlin: http://www.myspace.com/bandamerlin
• Roger Borges: http://www.myspace.com/rogerborges
• La Pafklik: http://www.myspace.com/lapafklik

Pri la alia rolo de tiu Reto, la amikiĝado, mi ne vidis multan uzon fare de esperantistoj. Nur Farri kaj Antonio. Probable oni preferas proprajn retojn por tio (kiel http://www.amikumu.com/).

Mi mem kreis paĝon en MySpace: http://www.myspace.com/tonyoesperanto. Sed vi konstatos ke mi ne tre scias kion fari pri ĝi: ja mi ne muzikas, nek speciale celas fari virtualajn amikojn tie. Se vi havas sugestojn, diru.